An Open Letter To UST Students
One brave man shares his opinions regarding the behavior of the students from the University of Santo Tomas.
Last October, a college from a university in Espanya, Manila has implemented stricter rules regarding the uniform and haircut policy for both male and female students. The new policy has received different reactions from the students. However, the first person who have to make sure that these students comply with the new set of rules are the security guards. As follows, they have been treated with severe dislike from the students.
A brave security guard shares his open letter to the students regarding his sentiments on their behavior, check it out below.
Sa mga Estudyante ng building sa Espana corner P.Noval,
Sobrang tuwa ko nang natanggap ako bilang security guard sa isang prestihiyosong unibersidad sa Espanya. Mula sa isang sekyu ng isang fast food chain sa Rotonda, ngayon kaligtasan na ng mga susunod na Manuel Quezon, Janine Tugonon, o Piolo Pascual ang pangangalagaan ko. Nakakaproud sobra. Biro mo, araw-araw kong babantayan ang seguridad ng mga batang may malalaki at makikinang na kinabukasan. Ang sarap sabihin balang araw, kapag naging successful na sila, “Uy, binabati lang niya ako dati.”
Ngunit paglipas ng panahon, nakakapagod din pala. Hindi lang pala puro saya. Bago ako maging proud sa mga estudyanteng ito, dadaan muna ako sa ilang pang-iinsulto galing sa iba sa kanila. Yung iba mumurahin ka nang pagkalutong-lutong na may kasama pang irap. Paminsan nagbibingi-bingian pa, kulang nalang itrato ka nilang hangin. Bakit mukha ba akong multo?
Ginagawa ko lang naman po yung trabaho ko. Oo, naiintindihan ko lahat ng hinaing niyo. Siguro mas komportable ang jeans at rubber shoes, siguro mas cool at mas hindi abala kung hindi niyo suot-suot ang mga ID niyo, siguro mas na-eexpress niyo ang inyong sarili sa hairstyle ninyo.
Pero kung papalusutin ko kayo, ako naman ang lagot sa admin. Ako naman ang mawawalan ng trabaho. Buti sana kung wala akong pinapakaing pamilya, kung wala akong pinapaaral na dalawang anak, kung ako lang ang mawawalan. Pero hindi, kailangan kong kumayod, kailangan ko ring sumunod.
Kailangan kong sumunod sa memo na binigay sa akin ng admin, at naniniwala ako na para rin iyon sa ikabubuti ninyo. Ano ba naman ang apat na taon na pagsunod sa mga rules? Pagka-graduate niyo, maaari niyo nang gawin anuman ang naisin niyo. Siguro sasabihin niyo hindi naman makakaapekto sa pag-aaral ninyo ang kulay at gupit ng mga buhok niyo, o kaya ang tela ng pantalon niyo, pero siguro isa sa mga matutunan niyo dito ay ang pagsunod sa awtoridad, na siguradong mararanasan niyo din kapag magtatrabaho na kayo.
Kaya pasensya na talaga kung strikto ako sa inyo. Alam ko paminsan hinahabol mo yung elevator kasi saktong paakyat na, paminsan ma-lalate ka na, paminsan may hinahabol kang deadline, paminsan nasisira ko na yung araw mo. Sorry talaga. Ipagpaumanhin mo na si kuya. Darating ang araw mararanasan niyo ding maipit sa sitwasyon, magtatalo sa isip niyo kung ano ba talaga ang dapat mong gawin o sino ang iyong sundin. Balang araw, malalaman mo gaano kahirap ang buhay, na hindi lang na-lilimit sa pagsuot ng ID, sa istilo ng buhok, o sa tela ng kasuotan ang problema mo.
Kaya, kung inyong papayagan, nais ko rin maging isang kuya sa inyo… hindi yung Kuya bilang isang guard na nagbabantay sa gate at naninita ng mga sumusuway sa rules, kundi isang Kuya na mapagkwekwentuhan, isang Kuya na kaibigan, isang Kuya na maaaring lapitan.
Sorry na po, bati na tayo. Tulong-tulong na tayo, tutal para ko na rin kayong kapamilya.
Nagmamahal,
Kuya Guard
Do you agree with him? Share your comments in our page, Seize With A Heart!
Become a Community Contributor.
