Makiling's Outings: Nayong Pilipino!

Pagkatapos ng maraming taon, makakaalis ako sa Bundok Makiling! Puntahan natin ang Nayong Pilipino sa Pampanga!

Kamusta! Ako po si Maria Makiling, isang nangangarap na travel blogger.

Naninirahan ako sa Bundok Makiling at hindi naman ako nawawala doon ;) Basta't mag-ingat kayo kapag kayo'y bumisita!

1. Simbahan ng Barasoain

Ang una mong makikita pagpasok mo sa Nayong Pilipino ay ang kopya ng Simbahan ng Barasoain! Ang totoong simbahan ay nasa Malolos, Bulacan.

Hindi naman ako Katoliko dahil ako'y isang diwata! Sapagkat sa ganon, binisita ko pa rin ang simbahan dahil mahalaga ito sa mga Pilipino.

Itinayo ito noong 1885. Sa simbahang ito nagsimula ang Unang Republika ng Pilipinas. Ang unang simbahan ay nasunog dahil sa rebolusyon noong 1896, kaya't di ko na binisita noon! Mas mapayapa ang Makiling sa Maynila noon.

2. Ang mga Produktong Pinoy

Wow! Marami akong nakitang mga laruan, istatuwa, at subenir dito! Talagang malikhain ang mga Pilipino. Makabili na nga ako ng sariling pamaypay, dahil umiinit minsan sa amin.

Nalaman ko rin ang salitang 'suki' sa pamimili! Ito'y isang kasunduan ng nanininda at ang mamimili. Ibang presyo ang inaalok kapalit ng katapatan ng mamimili. Ayos!

Ito'y isang uri ng kalesa. Hinahatak ito ng mga kabayo bilang transportasyon sa nakaraan.

3. Ang Bahay ng mga Pilipino

Sa panahon ng mga Kastila, ang mga bahay ng mga Pilipino ay gawa sa kahoy, at maaliwalas at mahangin ang mga ito.

Ito'y isang duyan na gawang Pilipino. Ahh, ang sarap matulog!

Ang katutubong bahay naman ay nakaangat, para maiwasan ang mga iba't ibang mga hayop! Kailangan ko nga ito sa Makiling.

Si Mareng Sinukuan! Salamat at nagkita tayo rito! Kamusta ang Bundok Arayat?

4. Ang Kulturang Pilipino

Pagkatapos ng lahat, pinanood namin ni Maria Sinukuan ang munting palabas! Ipinakito rito ang mga sayaw Pilipino, katulad ng Tinikling. Talagang nagpakitang-gilas sila!

At diyan natatapos ang outing ko sa Nayong Pilipino! Talagang nakita natin ang kultura ng bansang atin. Kailangan ninyong pumunta rito!

Sa susunod!

Maria Makiling