7 Rheol Synhwyrol Wrth Ddefnyddio'r Cyfryngau Cymdeithasol A.K.A. #Cymdeithasol7

Mae'r #Cymdeithasol7 yma i'ch helpu i wneud y gorau o gyfryngau cymdeithasol gan wneud yn siŵr eich bod yn aros yn ddiogel ac aros mewn rheolaeth.

1. Gwnewch yn siŵr bod y dôn yn gywir.

Giphy / Via gph.is

Wrth bostio ar y cyfryngau cymdeithasol mae’n hawdd anghofio y gallai unrhyw un ddarllen eich sylw, ac nid dim ond eich ffrindiau. Gallai rhywbeth sy'n ymddangos yn ddoniol i chi ar y pryd fod â chanlyniadau difrifol i chi yn ddiweddarach.

2. Dangoswch barch at bobl eraill

Giphy / Via gph.is

Dyw sylwadau negyddol ar y cyfryngau cymdeithasol ddim yn llai niweidiol na phe baech chi'n eu gwneud ar lafar.

3. Mae goblygiadau i’r hyn a wneir ar-lein.

Giphy / Via gph.is

n yr un modd ag y mae canlyniadau'n deillio o ymddygiad negyddol mewn bywyd real, gall sylwadau negyddol neu bostio delweddau amhriodol ar-lein arwain at ganlyniadau difrifol. Gallai pethau rydych chi'n eu postio ar y cyfryngau cymdeithasol ddylanwadu ar benderfyniadau eich darpar gyflogwyr, neu hyd yn oed fod â chanlyniadau cyfreithiol e.e. os yw'n niweidio enw da rhywun.

4. Ystyriwch eich diogelwch personol.

Giphy / Via gph.is

Wrth ddefnyddio'r cyfryngau cymdeithasol, mae'n hawdd anghofio nad eich ffrindiau yw'r unig rai a allai weld eich postiadau. Eisiau sôn wrth eich ffrindiau am y daith ryfeddol rydych chi wedi bod yn ei chynllunio ers misoedd? Rydyn ni'n deall. Ond drwy sôn am y daith ar y cyfryngau cymdeithasol, gallech chi wneud eich tŷ gwag yn darged i droseddwyr.

5. Nid oes y fath beth â phreifatrwydd ar y rhyngrwyd.

Giphy / Via gph.is

Peidiwch â dweud dim byd ar-lein na fyddech chi'n ei ddweud yn gyhoeddus. Gall pobl dynnu sgrin-luniau yn hawdd felly hyd yn oed os ydych chi'n dileu postiad yn gyflym, mae modd ei rannu. Hyd yn oed os ydych chi'n meddwl eich bod wedi'u dileu, gall peiriannau chwilio ddod o hyd i bostiadau flynyddoedd ar ôl eu creu, ac mae modd anfon sylwadau ymlaen neu eu copïo.

6. Nid yw’r hyn sy’n ymddangos yn anhysbys, yn anhysbys fel arfer.

ChefSteps / Via gph.is

Hyd yn oed os ydych chi'n defnyddio enw defnyddiwr anhysbys, mae ffyrdd o dracio cyfrifon ac adnabod pobl. Mae'n bosib eich adnabod chi o'r cynnwys rydych chi'n ei bostio ar lwyfannau dienw fel Yik Yak. Unwaith mae'r wybodaeth ar-lein, mae'n bosib ei rhannu'n rhwydd gyda phobl dydych chi ddim yn eu hadnabod.

7. Gall y cyfryngau cymdeithasol gynnig llu o gyfleoedd.

Giphy / Via gph.is

Gall llwyfannau cyfryngau cymdeithasol fod yn ffordd wych i godi eich proffil a dangos i bobl beth sydd gennych chi i'w gynnig. Edrychwch am gyfleoedd i rannu eich gwybodaeth, profiad, sgiliau neu arbenigedd.